ابابیل

عشقه کیم باغلادی پیمان دئدی لبیک حسین
سالکان ره عرفان دئدی لبیک حسین
یرده هر صاحب وجدان دئدی لبیک حسین
قدسیانگوگده پریشان دئدی لبیک حسین
خلقته نام حسین دور وئرن اعزاز بلی
اونی تنها یارادوب حسنیده ذات ازلی
عشقه بیر رتبه وئروب قانیله زهرا گوزلی
طوریدن موسی عمران دئدی لبیک حسین
عزت آرتوردی حسیم معرفتون عالمینه
ساتمادی شانینی دنیا زرینه درهمینه
وردی تا روح الامین بوسه یاشیل پرچمینه
شور آلوب یوسف کنعان دئدی لبیک حسین
خون شاه شهدا دینه ویروبدور برکات
تربتینده آقامون وار اثر آب حیات
دوگمه ئوزگه قاپوسین ایسته حسیندن حسنات
اولدی کیم سائل سلطان دئدی لبیک حسین
فیض جناتی کمال اهلی محرمدن آلوب
خلق اولوب نوحه سرا قاره علملر اوجالوب
بو جلال و جبروته ملک حیرتده قالوب
اولدی کیم تابع قران دئدی لبیک حسین
دست حکمت یارادوب کرب و بلا منظرهسین
انبیا شاه شهیدانون ئوپر مقبره سین
ساتمارام باغ بهشته من حسینون قره سین
حق حسینونکیدی وجدان دئدی لبیک حسین
مظهر بی مثل خالق سبحاندا بودی
آبروی و شرف ملت ایراندا بودی
بی دوا دردون اگر وار اونا درماندا بودی
دل اسیر اولدی اون جان دئدی لبیک حسین
شاه عشقون یولی ؛ معنا یولی وحدت یولیدی
او گئدن یول بشریتده شرافت یولیدی
عاشقه ؛ زینبینون تلی سعادت یولیدی
زلف زینبدن آخان قان دئدی لبیک حسین
دردینون یوخدی حسین گوردی حدود و عددی
کیمدی سسلندی بو مقتلده حسینون مددی
بند قنداقینی گهواره ده تز پاره لدی
شوره گلدی قوزی قربان دئدی لبیک حسین

لبیک یا حسین